އޮސްޓްރޭލިޔާގައި އަހަރެން އުޅުނު ސްޓޫޑަންޓް އެކޮމަޑޭޝަނެކެވެ. އެއިމާރާތުގައި ފަހަތުގައި 3 ނުވަތަ 4 ހަނި މަގު/ގޯޅި އޮވެއެވެ. މިމަގުތަކަކީ ހަނި ނަމަވެސް، އެއްވެސް މިންވަރަކަށް ޓްރެފިކް ތޮއްޖެހޭ މަގުތަކެއް ނޫނެވެ. ނަމަވެސް އިމާރާތް ހުރި ސަރަހައްދުގެ ގޮތުން ހަފްތާ ބަންދު ފިޔަވައި އެހެން ދުވަސްތަކުގައި މިމަގުތަކުގައި ދުވާލުގަޑީގައި ޕާކުރެވެނީ 2 ގަޑިއިރަށެވެ. ކޮންމެއަކަސް، ހަފްތާ ދުވަސްތަކުގެ ތެރެއިން ދުވަހެއްގައި، ގެއާ ކައިރީގައި، މިއިން މަގެއްގައި އަހަރެންގެ ކާރު ޕާކުކޮށްފީމެވެ. މާބޮޑު ކަމެކޭ ހީކުރުމެއްނެތިއެވެ. ނަމަވެސް މެންދުރެއްހައިއިރު ބޭރަށް ނިކުތްއިރު ކަމަކު ދާކަށްނެތެވެ. ކާރުގައި ސްޓިކާއެއް ހުއްޓެވެ. ކަނޑައެޅިފައިވާ ވަގުތަށްވުރެ ގިނަ ވަގުތު އެމަގުގައި ޕާކު ކުރީތީވެ ޖުރިމާނާ ކޮށްފައެވެ. 120 ވަރަކަށް ޑޮލަރުންނެވެ.
